അതു കാശ്മീര്‍

അതു കാശ്മീര്‍ ഉയരുന്ന ജ്വാലകള്‍
കത്തിയമരുന്ന ഗൃഹങ്ങള്‍
പിടയുന്ന യുവത്‌ാങ്ങള്‍
തളരുന്ന മാതാക്കള്‍
അതു കാശ്മീര്‍ ഇന്നാ സ്വപ്ന ഭൂമിയില്‍
ഹൃദയ ഭേദകങ്ങളാം ദീനരോദനങ്ങള്‍ -
അലയടിക്കുന്നു കര്‍ണപടങ്ങളില്‍
തുളച്ചിറങ്ങുന്നു മിഴികളില്‍
അതു കാശ്മീര്‍ വെള്ളത്തലപ്പാവ് ധരിച്ച
കവികളെ കുളിര്‍മഴ കൊള്ളിച്ച
പഥികര്ക്കു പൂമെത്തയൊരുക്കിയ
ഭൂമിതന്‍ സ്വര്‍ഗലോകം
അതു കാശ്മീര്‍ അവിടേക്ക് നോക്കുക
ഇന്നവിടെ മുഴങ്ങുന്നതിടിനാദമല്ല
തോക്കുകള്‍ തന്‍ ഭീകര ഗര്‍ജ്ജനമാണ്
പീരങ്കികള്‍ തന്‍ അട്ടഹാസങ്ങളാണ്
അതു കാശ്മീര്‍ കാണുവിന്‍ സോദരെ
ഇന്നവിടെ പെയ്യുന്നത് മഞ്ഞു തുള്ളികളല്ല
ഷെല്ലുകള്‍ തന്‍ നിലക്കാത്ത മാരിയാണ്
ഇന്നവിടെ ഒഴുകുന്നത്‌ മനുജന്റെ ഹൃദയ ധമനിതന്‍ച്ചുടുചോരയാണ്
അതു കാശ്മീര്‍ ഉയരുന്ന വെടിയൊച്ചക്കിടയിലും
നാനാ മതസ്ഥരും ആലിംഗനം ചെയ്യുന്നു
പാറിപ്പറത്തുന്നു കരങ്ങളില്‍
ഭാരതാംബതന്‍ ത്രിവര്‍ണപ്പതാക

ഭാരതപ്പുഴയോരം

പന്തിരു കുലത്തിന്‍ മഹിമകളോതുന്ന
ഭാരതപ്പുഴയോരം ഇതു ഭാരതപ്പുഴയോരം
സായന്തനത്തിന്‍ കുളിര്‍ക്കാറ്റൊഴുകുന്ന
നിളതന്‍ പുഴയോരം ഇതു നിളതന്‍ പുഴയോരം
നീന്തി തുടിച്ചോരാ മുങ്ങി കുളിച്ചോരാ
പനിനീര്‍പ്പുഴയോരം ഇതു പനിനീര്‍പ്പുഴയോരം
വള്ളുവനാടിന്‍ ഇതിഹാസങ്ങള്‍
പിറവിയെടുത്തോരു പുണ്യ തീരം
ജാതി മതാന്ത്യ ചിന്തകളെല്ലാം കടലിലോഴുക്കിയ സ്നേഹതീരം
ഇതു മാനവ സ്നേഹത്തിന്‍ ഹര്ഷതീരം
ഭ്രാന്തന്റെ ചിന്തകള്‍ തത്‌ാങ്ങളായോ
രാരിയനെല്ലൂരിന്‍ വാസതീരം
ഗംഗതന്‍ സാനിധ്യം ഇവിടെയുമറിയിച്ച
പാക്കനാരുടെ ജന്മതീരം
തിറയും പൂതനും മൂക്കൊന്‍ ചാത്തനും
ആടിത്തിമര്‍ക്കുന്ന ആഹ്ലാദതീരം
പ്രാചീന നാടിന്റെ കഥകള്‍ പറയുന്ന
നരിവാളന്‍ കുന്നിന്റെ സ്വന്തം തീരം
കവികളും കാഥികരും സ്നേഹിച്ചു പോകുന്ന
പൊന്നിന്‍ കൊലുസിട്ട ഹരിത തീരം
മണ്ണിനും മനസ്സിനും കുളിര്‍കാറ്റു ആകുന്ന
ഭാരതപ്പുഴയോരം ഇതു ഭാരതപ്പുഴയോരം